Mir hei uf diä nöi Saison 2024 zwöi Änderige i üsem Produktionssystem umgsetzt:

Pflücktäg:

Nöi hei mir ds Säubstpflückerfäud nümme die ganzi Wuche offe sondern konzentriere üs uf drü Pflücktäg
Mändi/ Mittwuch/ Samsti. (Je nach Wätter si Apassigä mügläch)

Derfür isches ah denä Täg grundsätzlich Müglech ohni Voramäudig zu üs ds cho.
Mir empfählä aber nach wie vor ä Reservation wiu üsi Flächi chli u relativ schnäu läärpflückt isch.
Uf Afrag finge mir natürlich oh usserhaub vo denä Täg ä lösig. 

Ärntejahr:

Mir hei üs entschide üsi Ärdbeeri nüme für zwöi Ärntejahr ds nutze sondern nume no eis Jahr u när düä mir die ganzi Flächi erneuere.

Es wird immer wie schwiriger im zwöite Jahr no gsungi Pflanze ds ha wo ä normalä Ertrag lifärä.
Dür diä Umstellig erhoffe mir üs fougendi Verbesserige:

• höcheri Produktivität pro m2
• witerhin bestmöglechi Qualität
• reduktion vo Fungizig und Insektizid
• Arbeitserliechterig

Was bedütet das für üsi Chundschaft:

• Schöni u grossi Ärdbeeri
• gueti Pflückleistig über die ganzi Flächi
• evtl. chöi mir weniger Bstellige für 2. Klass berücksichtige wiu d Qualität grundsätzlich höcher erwartet wird.